ab esy log samjhate hain giraftar meraa
saKht nadim hai mujhe daam mein lane wala
kya kahen kitane marasim the hamare is se
wo jo ik shaKhs hai munh pher ke jane wala
tere hote huwe aa jaati thi saari duniya
aaj tanha huN to koi nahin aane wala
muntazir kis kaa huN TuTi hui dahaliz pe main
kaun ayega yahaN kaun hai aane wala
main ne dekhaa hai bahaaro.n me.n chaman ko jalate
hai ko_ii Khwab kii taabiir batane wala
kya Khabar thii jo merii jaan me.n ghulaa hai itanaa
hai vahii mujh ko sar-e-daar bhii lane wala
tum taqalluf ko bhii iKhalaas samajhate ho 'Waseem'
dost hotaa nahii.n har haath milaane waala
0 comments:
Post a Comment